RUCHA: હિન્દી ફિલ્મોની નિર્વસ્ત્ર નટીઓ અને નિર્લજ્જ સંવા...

RUCHA: હિન્દી ફિલ્મોની નિર્વસ્ત્ર નટીઓ અને નિર્લજ્જ સંવા...: WARNING: આજનો લેખ કલમમાં સહીને બદલે તેઝાબ ભરીને લખ્યો છે.  માટે જેની ચામડી આળી હોય અને સહેજમાં જ જેમની સુરુચિ ભંગ થતો હોય તેમણે વાંચવો નહિ....

હિન્દી ફિલ્મોની નિર્વસ્ત્ર નટીઓ અને નિર્લજ્જ સંવાદો !

WARNING: આજનો લેખ કલમમાં સહીને બદલે તેઝાબ ભરીને લખ્યો છે.  માટે જેની ચામડી આળી હોય અને સહેજમાં જ જેમની સુરુચિ ભંગ થતો હોય તેમણે વાંચવો નહિ.


" चौन्द्विका चाँद हो या आफ़ताब  हो, जो भी हो तुम खुदाकी कसम लाजवाब हो"
                                                                                    शकील बदायुनी 
શાયરે માશૂકાની કેવી સુંદર તારીફ કરી છે!  ચંદ્રની સાથોસાથ માશૂકાના મુખારવિંદના તેજ ને સૂર્યના તેજ સાથે સરખાવ્યું છે. આપણી ઋષિપત્નીઓ  અને ઋષિ કન્યાઓના  ચેહરા આવાજ દેદીપ્યમાન હતા.     
શાયરોએ ચૌદશના સહેજ અપૂર્ણ ચંદ્ર સાથે નારીના સૌન્દર્યને  સરસ રીતે સરખાવ્યું છે.
"कल चाहोद्विकी  रात थी शब् भरा चर्चा तेरा, कुछने कहा ये चाँद है कुछ्ने कहा  चेहरा तेरा"
                                                                                                   शायर इन्सा
મેહ્બૂબાની કેવી ગઝબની તારીફ શેરો-શાયરી-ગઝલથી થતી હતી. અને મેહબૂબા શરમની મારી પોતાની જાતને આયનામાં નિહાળતી, ત્યારે  મેહબૂબથી સહજ રીતે બોલી જવાતું 
"अंदाज़ अपना आयनेमें देखते है वो और यह भी देखे कोई देखता न हो"
કેટલી માન મર્યાદા હતી!  આજે તો હિન્દી ફિલ્મોમાં અભિનેત્રીઓએ પોતે પોતાની રીતે ફાવે તે રીતે પોતાની ચાલ ચલગત વિષે જોડકણા ગઈ નાખે છે. જેમકે,
"बीडी जलाइले जलाइले पिया जिगारमा बड़ी आग है'
જ્યાં જીગરમાં જ આટલી આગ હોય ત્યાં GLOBAL WARMING ના હોય તો આશ્ચર્ય થાય!
"कजरारे कजरारे मोरे काले काले नैना "
વક્તના વહેણમાં ગુલઝાર સાહેબે પણ શિખર પરથી તળેટીમાં આવવું પડ્યું.
સિલસિલો થોડોક આગળ ચલાવીએ-
"मुन्नी बदनाम हुयी डार्लिंग तेरे लिए'  સવાલ એ છે કે મુન્ની ક્યારેય આબાદ હતી?
"माय नीम इज शिला, शिलाकी जवानी" જે જવાની જવાની જ છે તેનો જલ્વો અને જલસો .
"चिकनी चमेली चिकनी चमेली पौया चढ़ाके आई'  કેટરીનાએ ભાતીગળ મરાઠી લાવણીની માં પરણી નાખી.  હુસ્ન અને હરામ શરાબનો સમન્વય એટલે શૈતાનની પૈદાઇશ.
આ બધા ITEM SONGS કહેવાય છે. સ્ત્રીઓએ પોતે જ પોતાની ગરિમા ગુમાવી દીધી છે અને તે માત્ર એક COMMODITY બની ગઈ છે. કોઈકને મહાભારતના જુગાર અને દાવ પર લગાવેલી પાંચાલીની  યાદ જરૂર તાજી થઇ હશે.
જો આજની મલ્લિકા શેરાવત, રાખી સાવંત, બિપાશા, કેટરીના વિગેરેમાંથી કોઈ મહાભારતની દ્રૌપદી હોત તો દુશાસન બેકારી ભથ્થા પર જીવતો હોત.
આજની હિન્દી ફિલ્મોના કેટલાક સંવાદો જોઈએ-
"कानून चंद भड्वोकी रखेल हो चूका है",  "कानून सिर्फ अँधा नहीं बहरा और गूंगा भी है", 
"यह मंत्रीमंडल नहीं है मगर हिजड़ोकी फ़ौज है जो अपनी माकी इज्जत लुटने पर भी तालिय बजा    रही है"
ઓમકારા ફિલ્મનો એક નિર્લજ્જ સંવાદ જોઈએ -
करीना कपूर " मर्द्के दिल तक पहुचनेका रास्ता उसके पेट्स चालू होता है"  પ્રત્યુતરમાં 
कोंकणा सेन " मर्द्के दिल तक पहुचनेका रास्ता दो पैरोके बिचसे गुजरता है'
સંવાદોની આનાથી વિશેષ નગ્નતા શી?
તાજેતરમાં રીલીઝ થયેલી અગ્નિપથ ફિલ્મમાં રિશી કપૂર એક કિશોરીની લિલામી કરતા કહે છે "यह इत्तर है , इत्तर , जितनी मस्लोगे उतनी ज्यादा खुशबू देगी, प्यारे इत्तर है'
વાત સાચી જ છે.રૂપેરી પરદા પર દેખાય તે પહેલા મોટાભાગની સ્ત્રીઓનો અર્ક નિચોવાઈ જ ગયો હોય છે--કાસ્ટિંગ કોઉચ.
 આજથી  વીસેક  વર્ષ  પહેલા મારા એક બુઝુર્ગ મારવાડી મિત્ર કહેતા હતા "भार्गव्भई, देखना घर  घरमें रंडिया नाचेगी"  આજે એમની અતિશયોક્તિ સત્ય પુરવાર થઇ રહી છે, લોકો સહપરિવાર  ટી વી માં આ નિમ્નસ્તરનું  મનોરંજન જ માણી રહ્યા છે.આજે લગભગ કોઈ ફિલ્મ સહપરિવાર માણી શકાય તેમ નથી, કારણકે ક્યારે અશ્લીલ BOUNCER અને બિભત્સ ગૂગલી આવી જાય કહેવાય નહિ અને સહેવાય નહિ. ક્રિકેટરો અને લલનાઓનો ચોલી દામાંનનો સંબંધ જગજાહેર છે અને એનું પરિણામ મેચના પરિણામમાં દેખાઈ આવે છે.
મધુબાલા,નરગીસ,મીનાકુમારી, નૂતન વિગેરે વીતેલા દાયકાની અભિનેત્રીઓ સાડી, પંજાબી શૂટમાં પણ કેટલી જાજરમાન લાગતી હતી! હજુ ટેલીવુડ ઝાઝું અભાડાયું નથી.કારણકે એકતા કપૂરોને કૌટુંબિક ઝગડાઓમાં ઝમાવટ આવી ગઈ છે. પણ એકતાએ "DIRTY  PICTURE " તો ઉતારી નાખ્યું છે. ફિલ્મની હિરોઈન વિદ્યા બાલને નામને સાર્થક કર્યું છે. એકતા કપૂર પોતે મર્યાદાપૂર્ણ  વસ્ત્રો પહેરે છે. પછી ભલે પરદા પાછળ રહી અભિનેત્રીના વસ્ત્રો ઓછા અને આછા કરે. SKIN TIGHT વસ્ત્રો ના કારણે દેહના ઉતાર ચઢાવ પુરુષના હવસને ઉક્સાવવા કાફી હોય છે. જીન્સ નાભિથી નીચે જઈ રહ્યું છે અને જર્સી વધુને વધુ ઉપર. બેલ્ટના સહારે પેન્ટ છે કે પેન્ટ ના કારણે બેલ્ટ એ નક્કી કરવું કઠીન છે.
સૌન્દર્યની નુમાઈશ માટે, દ્રશ્યની અને પટકથાની માંગને માટે અને કશુક CONVEY  કરવાના અને કળા (?) પ્રદર્શિત કરવા ના પાંગળા કારણોના ઓઠા હેઠળ નટીઓના કપડા ઉત્તરોત્તર ઓછા થતા ગયા. શ્રીમાન રાજ કપૂરે આવા જ કારણો આગળ ધરીને" સત્યમ,શિવમ,સુન્દરમ "માં ઝીન્નત અમાનના અને" રામ તેરી ગંગા મૈલી"માં મંદાકિનીના વસ્ત્રો બખૂબી  પારદર્શક  રાખ્યા  હતા.તેઓ અલ્લા મિયાંને પ્યારા થઇ ગયા એટલે તેમની સુપોત્રીઓની એવી જ વેશભૂષામાં જોવાનું તેમને સૌભાગ્ય પ્રાપ્ત ના થયું.
દેશના ખૂણે ખૂણેથી મુંબઈના બારામાં RAW MATERIAL રૂપી લલનાઓ ઠલવાતી જ રહે છે.ઘણી બધી રગડ અને તગડ અને સ્ટ્રગલ બાદ પણ કામ મળતું નથી કારણકે લલનાઓની લાંબી લાઈન છે. માટે રૂપેરી પરદા પર ચમકવા માટે વસ્ત્રો ઉતારવા સિવાય કોઈ છૂટકો  નથી. માટે આ પરંપરા ચાલુ જ રહેવાની છે.
ખરો અને ગેહરો આઘાત તો ત્યારે લાગ્યો કે ફિલ્મ "રંગ રસિયા" માટે નંદના સેને લૂગડાં ઉતર્યા.
BY DEFAULT નંદના, ભારતના સપૂત અને NOBEL PRIZE WINNER DR અમર્ત્ય સેનની  સુપુત્રી છે.
હિન્દી ફિલ્મ ઉદ્યોગે ભારત સમાજને શું આપ્યું?
યુવાનોના છાકટા વેડા, યુવતીઓની જાહેરમાં અશ્લીલ છેડતી, બળાત્કાર, સામુહિક બળાત્કાર  અને યુવાનીના ઉંબરે પહોચેલી કિશીરીઓના ગર્ભપાત.


લેખના પ્રારંભ માં લખેલી ચેતવણી અવગણીને આ લેખ વાચ્યા પછી કોઈ GUILTY FEEL 
કરતુ હોય તો ત્રણ વખત બાથરૂમ જઈ આવવું, કારણકે " હા ! પસ્તાવો વિપુલ ઝરણું..........


                                                                                        ભાર્ગવ અધ્યારુ 
                                                                                     

માતૃભાષાનો મહિમા

"માતૃભૂમિ, સંસ્કૃતિ અને માતૃભાષા આદરણીય છે કારણકે તે પરમ આનંદ આપનારી છે."
                                                                                                                                     ઋગવેદ.

માતૃભાષા વ્યક્તિની અંગત, સામાજિક અને સંસ્કૃતિક ઓળખ છે. માણસ  સ્વપ્ન પણ પોતાની માતૃભાષામાં જુએ છે. વ્યક્તિ સ્વનું  પ્રતિબિંબ પણ માતૃભાષામાં જ જુએ છે. બાળકને  માતૃભાષા શીખવાનો પ્રયાસ કરવો નથી પડતો પણ સાંભળતા સાંભળતા સહજ રીતે જ શીખી જાય છે. માતૃભાષા એવું અનિવાર્ય ઉપકરણ છે કે જેના માધ્યમથી  વ્યક્તિનો માનસિક, બૌદ્ધિક અને નૈતિક વિકાસ થાય છે. માતૃભાષા દ્વારા વિવિધ વિષયોનું  જ્ઞાન વ્યક્તિને  આસીનીથી પ્રાપ્ત થાય છે. વિચારોની પારદર્શકતા અને  વિચારોનું પ્રસરણ માતૃભાષાના પ્રભુત્ત્વ વિના શક્ય નથી. માતૃભાષાની નબળાઈ માણસને વૈચારિક રીતે પંગુ બનાવી દે છે.  INVENTIONS  અને DISCOVERIES  એ જે તે વિષયની ગહન સમજણથી ઉદભવે છે. અને જે તે વિષયની ગહન  સમજણ માતૃભાષા જ આપી શકે છે. માતૃભાષા માણસ ખૂબ જ સરળતાથી અસ્ખલિત પણે બોલી શકે છે. અરે! પ્રેમ અને ગુસ્સો પણ માણસ પોતાની ભાષામાં જ શ્રેષ્ઠ રીતે વ્યક્ત કરી શકે છે.  માણસ જે ભાષામાં SPONTANEOUSLY  ગાળ બોલે તે તેની માતૃભાષા.

જર્મનો  પોતાના દેશને FATHERLAND  કહે છે પણ ભાષાને તો માતૃભાષા જ કહે છે.કારણકે  માતા  પાસેથી જ  બાળક ગર્ભમાં હોય ત્યારથી બોલતા શીખે છે. માતા જ  હમેશા બોલતી હોય છે, પિતા તો માત્ર એક સારા શ્રોતા તરીકે સાંભળ્યા જ કરે છે.

માતૃભાષા એ આપણો ખજાનો છે જે પેઢી દર પેઢી વિરાસતમાં આપવાનો છે. આપણા ઘડતરમાં  તેનો  સિંહ ફાળો છે. આપણા વિચારો, લાગણીઓ અને  વ્યક્તિત્વ વિકાસમાં માતૃભાષા ખૂબ જ ભાગ ભજવે છે.  અન્ય ભાષાઓ શીખવા માટેનું સબળ અને પ્રબળ માધ્યમ છે. સ્વામી શ્રી વિવેકાનંદ અને પૂજ્ય શ્રી મોટા એક જ  સરખો  આગ્રહ રાખે છે, " પ્રાથમિક શિક્ષણ તો  બાળકને તેની માતૃભાષામાં  જ આપવું જોઈએ."  મજબૂત પાયા પર જ કારકિર્દીની ગગનચૂંબી ઈમારત ચણી શકાય. રશિયા, ચીન, જાપાન, ઇટલી, ફ્રાંસ વિગેરે દેશોતો  ખરા  જ પણ  બૂંદ બરાબર દેશ ICELAND કે જેની વસ્તી માંડ ચાર લાખ હશે તે પણ ICELANDIC  ભાષામાં જ  શિક્ષણ આપે છે. આપણે ત્યાં બોર્ડના TOPPERS  ઘણા ભાગે ગુજરાતી માધ્યમવાળા  જ  હોય છે.

અહી આપણે અંગ્રેજી ભાષાને વખોડી નથી રહ્યા કે નથી કરી રહ્યા તેનો વિરોધ. આજે GLOBALIZATION નો યુગ છે. ઉચ્ચ ભણતર કાજે, સારી નોકરી માટે અને ગમતી કે  નાગમતી  પણ ગ્રીન કાર્ડ વળી છોકરી માટે ભારત છોડીને બીજા દેશમાં SETTLE  થવું પડે છે. આ સંજોગોમાં  બીજી ભાષા તરીકે અંગ્રેજી  સર્વમાન્ય  અને  જગવ્યાપક છે.  ગુજરાતી માધ્યમની  શાળાઓમાં અંગ્રેજીનું THOROUGH  KNOWLWDGE  આપવું જોઈએ. અને વિદ્યાર્થીઓને એવા સક્ષમ બનાવવા જોઈએ કે આગળના ભણતરમાં કે જીવન ઘડતરમાં બીજા વિદ્યાર્થીઓ જેટલી જ અને જેવી જ  સરળતા અને સુગમતા રહે. હરીફાઈમાં કાઠું કાઢી  દરેક ક્ષેત્રમાં ઉચ્ચ સ્થાન પ્રાપ્ત કરે.

આપને ત્યાં કોર્ટ, કચેરી, બેંક  અને અન્ય CORPORATE  FIELD માં અંગ્રજીમાં વહીવટ ખૂબ સરસ રીતે ચાલે છે. એમાં ચોખલિયા વેડા કરવાની જરૂર નથી. જો દરેક સ્થાને હિન્દી કે  પ્રાદેશિક ભાષાનો  દુરાગ્રહ  રાખીએતો  આપણે શબ્દકોશનો  ભાર  લઈને જ ફરવું પડે, છતાં સાચો પર્યાય ના મળે અને આખું કોળું શાકમાં જાય. અંગ્રેજી માટે ના તો ઘેલછા હોવી જોઈએ ના તો છોછ.

હિન્દી ફિલ્મોનો ISI  MARK  ધરાવતો સંવાદ છે " गोरी चमड़ीवाले  अंग्रेज चले गए मगर उनकी नाजईज़ औलादको  यंहा छोडके गए!"  આ સંવાદ આજના હિન્દુસ્તાન કે જ્યાં મોટે ભાગે" હિંગ્લીશ" ભાષા નું ચલન વિશેષ છે , તેને બંધ બેસે છે.

આપણી માતૃભાષા ની ઘોર ખોદનાર છે કેટલાક  કચરાલાલ, બોઘાલાલ, ગાંડાલાલ, જુઠાલાલ, લાલચદાસ , જેઓએ ધનપ્રાપ્તિ અને માત્ર ધનપ્રાપ્તિ અર્થે જ કોન્વેન્ટ સ્કૂલો રૂપી વિશાળ દુકાનો ખોલી નાખી છે. મા-બાપ  ચેતો !

" માતા, માતૃભૂમિ અને માતૃભાષા વિના માણસ અનાથ ગણાય."  આપણામાંના  ઘણા બધા મા અને માતૃભૂમિને  ખોઈ ચુક્યા હશે. હવે શું માતૃભાષાનો  જનાજો કાઢીને બિલકૂલ જ અનાથ થવું આપણને ગમશે અને પોષાશે?



                                                                                                              ભાર્ગવ અધ્યારુ 

પ્રાર્થના - a potent weapon

માણસનો અહં ઓગળીને જે પ્રવાહી નીતરે તેનું નીસ્યંદન કર્યા બાદ જે અર્ક એકઠો થાય તેમાંથી પ્રાર્થનાનો પ્રાદુર્ભાવ થાય. પાક દિલનો પૂકાર કે માલિક સાથેની ગુફ્તગુ એટલે બંદગી, ઈબાદત, પ્રેયર કે પ્રાર્થના જે કહો તે. અંતે તો હેમનું હેમ હોય. શરણાગતિ વિના પ્રાર્થના શક્ય નથી. શરણાગતિ અને પ્રાર્થના એક જ સિક્કાની બે બાજુ છે, જે સિક્કાની બંને બાજુ HEADS જ છે. ("શોલે" ના અમિતાભના સિક્કાની જેમ જ.)

તમામ ધાર્મિક જૂથોએ પોતપોતાની "પ્રાર્થનાઓ" ઘડી કાઢી છે, જેનું પોપટીયું રટણ યાંત્રિક પણે રોજ કરવામાં આવે છે. સાચી પ્રાર્થના મૌનમાં ઘટિત થઇ જાય છે અને ત્યારે આપણી મહી બેઠેલો પરમાત્મા આપણને કંઈક CONVEY કરી દે છે. પ્રફુલ્લિત હ્રદયમાં થી જ પ્રાર્થના એક ફુવારાની જેમ ઉદભવે છે.

 ઇચ્છોમાંથી પ્રગટે એ પ્રાર્થના ન કહેવાય, ભીખ કહેવાય. કેટલાક લોકો પ્રભુને કહેતા હોય છે "હે પ્રભુ! મને હોન્ડા સીટી આપો", ભગવાન પણ મલકાતા મલકાતા કહે છે " લે લલ્લુ લેતો જા, હું તો તને બેન્ઝ આપવા ચાહતો હતો." આપણી યોગ્યતાની આપણને જ ખબર નથી. આપણે ભવભવના ભિખારી છીએ. ભીખમાંથી નહિ પણ ભેખમાંથી પ્રગટે એ પ્રાર્થના કહેવાય. પ્રાર્થનામાં આસક્તિ કે લાચારી ના હોય. પ્રાર્થનામાં નમ્રતા અને આર્દ્રતા હોય. પ્રાર્થનામાં નરી ભૌતિક વાસનાઓ ભરવાથી પ્રાર્થના પથ્થર જેવી વજનદાર થઇ જશે- એ તો ડૂબી જશે તળિયે કાયમને માટે. પ્રાર્થના તો હંસલા જેવી હોવી જોઈએ જે માનસરોવરમાં તર્યા કરે.

આપણે કોઈ પણ કાર્યનો પ્રારંભ કરતા પહેલા પ્રાર્થના કરીએ તો તે કાર્ય યોગ બની જાય છે અને સફળતા અંકે સો ટકા! પણ આપણે તો "શકટનો ભાર જેમ શ્વાન તાણે" એમ મુસ્તાક હોઈએ છીએ.આપણે વાર્યા નહિ પણ હાર્યા વળીએ છીએ. જયારે આપણા બળ-બુદ્ધિ જવાબ દઈ દે છે ત્યારે અસલી પ્રાર્થના પ્રગટે છે. માણસને જીવનનો થાક લાગે અને મોતની ધાક લાગે અને ચોતરફ વિપત્તીઓથી  ઘેરાઈ જાય ત્યારે ના છૂટકે પ્રાર્થનાનો સહારો લે છે. 

પ્રાર્થનાથી જીવન જીવવાનું બળ મળે છે, આશ્વાસન મળે છે, નિર્ભયતા મળે છે, હિંમત મળે છે એટલે જ પ્રાર્થનાને "Potent Weapon" છે.

                                                                                                                ભાર્ગવ  અધ્યારુ 

I. C. U.

                                                                           
INTENSIVE CARE UNIT :

માણસ જયારે બૂરા કામો કરતો હોય છે ત્યારે ઉપરવાળો દરેક વખતે તેને કહેતો હોય છે " I will see you." પણ પોતાની તાનમાં મશગુલ અને મગરૂરઆદમીના બહેરા કાને આ શબ્દો નિરર્થક રીતે અથડાતા હોય છે. પણ જયારે Emergency 108 વાનની સાયરન વાગે છે ત્યારે તેના કાન ઊંચા થઇ જાય છે. તેને સ્ટ્રેચરમાં નાંખી જયારે Hospital ના ICU બેડ પર નાખવામાં આવે છે ત્યારે તેને સમજાય છે કે પેલો એમ કેહતો હતો કે " I will see you in ICU." ICU ના ખાટલા પર નાંખી તેના કપડા અને સાથોસાથ અહં ઉતારવાની ક્રિયા ઝટપટ ચાલુ થઇ જાય છે. દર્દી પર જે તે હોસ્પીટલનું લેબલ અને પહેરવેશ લપેટાઈ જાય છે અને જેલના કેદીની પ્રથા અનુસાર તેના નામનું સ્થાન ખાટલા નંબર લે છે. એક અસ્તિત્વને ભૂસવાની ક્રિયા તેના નામને ભૂસવાથી ચાલુ થાય છે.


મનુષ્યને by default મળેલા છ છિદ્રો ડોકટરોને ઓછા પડે છે. મુખ મારફત ventilator વાટે oxygen અને નાકમાં નાખેલી rice tube વાટે પ્રવાહી ભોજન શરીરીમાં ધકેલવાનું ચાલુ થઇ જાય છે. કેથેટર દ્વારા પેશાબનું વહન ચાલુ થાય છે જેને સમયાન્તરે માપવામાં આવે છે. કેવી કરુણતા! જે માણસ અમાપ ખાઈ "પી"ને માંદો પડ્યો છે , તેનો પેશાબ માપવાનો!


ખૂબ જ હારેલા અને થાકેલા હૃદયનો ECG, B.P., Pulses, અને તમાકુથી પ્રદુષિત ફેફસાના શ્વાસ અને ઉચ્છવાસ ની સંખ્યા માપવા અનેક monitors બીપ બીપ સાથે ચાલુ થઇ જાય છે. મેડીકલ સ્ટાફ જરૂરત મુજબ ગળે, હાથે, પગે બીજા અનેક છિદ્રો પડી લે છે. અને ત્યાંથી I.V. fluids અને Injections નો મારો ચાલુ થઇ જાય છે. ખૂબ જ ભવ્ય અને બિહામણો નઝારો હોય છે.


આપણે જયારે Medical Field ની વાત કરતા હોઈએ ત્યારે The Great Greek Physician Hippocrates અને તેમની oath નો ઉલ્લેખ અનિવાર્ય છે.


Hippocrates નો જીવનકાળ ૪૬૦ B . C . થી ૩૭૭ B . C . તેઓ ચોક્કસ પણે એવું માનતા હતા કે "the body must be treated as a whole and not just series of parts." આજે આપણી પાસે તમામ અંગોના specialists ઉપલબ્ધ છે. કેવા નસીબદાર છીએ! Hippocrates એ તેમની oath માં કંઈક આવી મતલબનું લખ્યું છે " I will prescribe regimens for good of my patients according to my ability and never do harm to anyone. I will preserve the purity of my life and my arts. If I keep oath faithfully, may I enjoy my life and practice my art, respected by all humanity and in all times; but if I swerve from it or violate it, may the reverse be my life." આજે પણ તબીબો આ શપથ લે છે અને તેઓ પાસે થી આવી ઉદાત અપેક્ષા રાખવામાં આવે છે.

ICU ની અંદર નિયમ મુજબ યમ હાજર જ હોય છે. ઉપરની corporate office ના super computer માંથી જેવો યમને તેમના tablet PC પર order મળે પછી પળનોય વિલંબ નહિ. જે તે આત્મા મુક્ત. ICU ની બહાર પેહરો ભરતા સંત્રીનો ઠસ્સો, જુસ્સો અને ગુસ્સો ફિલ્ડ માર્શલ જેવો હોય છે. ક્યારેક વાજબી પણ હોય છે, નહિતો દર્દીના સગાઓ જ દર્દીને કસમયે મુક્ત કરી દે.

General Hospitals ના ICU ની કથા ખૂબ જ વ્યથાવાળી હોય છે. એટલે તેને માટે ક્યારેક Intensive Chaos Unit એવું નામકરણ સહજ રીતે થઇ જાય છે.
Care-----Chaos-----Cremation! 

જો માણસ મરણનું સ્મરણ રાખી તે અનુસાર જીવન જીવે તો ક્યારેય ICU માં જવાનો વારો ના આવે!

                                                                                                           ભાર્ગવ અધ્યારુ 

                                                                                                       

આ કર્મકાંડી ભૂદેવોથી ભગવાન બચાવે !

  "શાસ્ત્રીનું શટર પટર ને પુરાણીનું  પોલું,

જોશીનું અગડમ બગડમ  એ ત્રણ ઠગોનું ટોળું."

                                   આપણા હિંદુ ધર્મમાં સોળ સંસ્કાર ગણાવ્યમાં આવ્યા છે. ગર્ભાધાનથી  માંડીને શ્રાદ્ધ પર્યંત.  દરેક સન્સકારમાં કોઈને કોઈ રીતે ધાર્મિક વિધિ કે rituals  સામેલ છે જ. અને માટે કર્મકાંડી ભૂદેવની પણ જરૂર પડે છે. ક્યારેક અનિવાર્ય હોય છે. 

ભૂદેવ નો active role  ખોળો ભરવાની વિધિથી ચાલુ થઇ જાય છે. જેમ જેમ વધુ ને વધુ ગર્ભિનીઓના ખોળા  ભરાય તેમ તેમ ભૂદેવોના ના ઓરડા સીધું સામગ્રીથી છલોછલ ભરતા જાય. કેવું અદભૂત સમીકરણ! ખોળા=ઓરડા. 

                                                    અમારે ઘેર કર્મકાંડી ભૂદેવો કામ કરવા આવે તે પહેલા મારા પિતાશ્રીના કઠીન entrance test માં ખરા ઉતરવું પડે છે. માટે હવે તેઓ  આવતા ખચકાય છે  અને ખનસાય છે.  હવે તો પ્રસંગ અનુસાર packages  અને  turnkey  ધોરણે project  fees, quote  કરવામાં આવે છે. દક્ષિણાનું , charge માં રૂપાંતર થઇ ગયું છે.  મેં સાંભળ્યું તે મુજબ ક્યાંક તો advance payment પણ ભૂદેવોના બુકિંગ માટે તેમના આચાર્ય માંગે છે. પૂજાની તમામ સામગ્રી recycle  થયા કરતી હોય છે. એકજ item નું  કેટલી બધી વાર turnover  થયા કરે છે.  Highly Profitable profession.  બેકાર બ્રાહ્મણ યુવકો માટે નવો avenue ખૂલી ગયો છે. દરેક ભૂદેવ પાસે લગભગ two wheeler તો છે જ  અને તેમન ગુરુજીઓ પાસે four wheelers . માટે દિવાળી પર થતા ચોપડા પૂજનમાં  નાનો વેપારી મોટા વેપારીને ખંખેરે એવો scenarrio હોય છે.

                                                    પૂજાપાની મોટાભાગની સામગ્રી "Hazardous to Health."

કંકુ અને ગુલાલ = Rubine Toner Pigments 

અબીલ= શન્ખ્જીરું અથવા Titanium  Dioxide .

ચંદન=Chrysophenine .

હળદર=Metanil Yellow  એટલેકે જલેબીમાં વપરાતો રંગ.

                                                    પ્રોજેક્ટ સવારે નવ વાગ્યે ચાલુ થાય. Decorative સ્થાપનો ગોઠવવામાં સમય વીતે.  સંસ્કૃત મિશ્રિત ગુજરાતીમાં હોબાળો ચાલુ થાય. ત્રુટિઓ સાથેના સ્વસ્તિ વચનો અને શાન્તીમ્ન્ત્રો ભણાય. Naturally  યજમાન પણ તેમ જ ભણે. "આંધળો , આંધળાને દોરે" તેનું પરિણામ?  ભૂદેવોએ ૩૦૦+૧૨૦ ની તમાકુનો મસાલો દબાવેલો હોય પછી ઉચ્ચાર શુદ્ધિની અપેક્ષા કેવી રીતે રખાય?  " Does में जो force है वह Do में कहाँ?"  એ ઉક્તિને યથાર્થ કરતા હોય તેમ ભૂદેવો વધારાના ખોડા મ લગાડ્યા જ કરે. બસ, હવે ઉષ્ણોદક એટલેકે , ચા- કોફીનો સમય. લગભગ અગિયાર વાગી ચૂક્યા હોય!  શુસોભિત પ્રયોગ આગળ વધે. પોતાની ભૂલો છુપાવવા અને જનમન રંજન માટે ઢોલ , ઓર્ગન અને ખંજરીના સહારે શ્લોકો, મંત્રો,  ઋચાઓ  અને ભજનો ના સહારે પ્રોગ્રામ આગળ વધે. અજ્ઞાનીઓ અને અલ્પગ્નાનીઓ આ ચેષ્ટા પર આફરીન થઇ જાય. બિચારા! 

                                                    હમણાથી ઉત્તર ભારતના ભૂદેવો ગુજરાતમાં import થઈને આવ્યા છે. એવા તો કદાવર છે કે તેઓ જો cricket માં ફાસ્ટ bowler બને તો દેશનું નામ રોશન કરે. તેઓ તેમની સંગાથે પંડિત શબ્દ પણ લેતા આવ્યા છે

                                                    રાગડા તાણી ભૂદેવો બાર સાડા બાર વગાડી દે અને ફળાહાર નો નાદ પડે..રાજગરાના શીરા પૂરી, સાબુદાણા વડા અને બે ત્રણ પ્રકારના કંદમૂળ અને દહીં. ટોટલ ૩૦૦૦ કેલરી. પછી આ વાયડા ખોરાકનો મેણો ચઢે અને ભૂદેવોના બેસૂરા નસકોરાનો નાદ વાતાવરણ ગજવે.  જાગૃત થયા બાદ ફરી ગરમ પીણું અને પ્રયોગ શતાબ્દી અને રાજધાનીની  સ્પીડ પકડે. train ના હોર્ન સ્વરૂપે , વાયડું જમેલા ભૂદેવોના અપાનવાયુંના ભડાકા-ધમાકા-ધડાકા ચાલુ. જો Pollution Control Board અપાનવાયુ  પર penalty લેવાનું ચાલુ કરે તો Highest Revenue આ ભૂદેવો પાસેથી વસૂલાય. 

                                                  સાચું અને સારું શક્રાદય ન આવડતું હોય એટેલે ગુપચાવીને જલ્દી શ્રીફળ હોમાવી દે. છેલ્લે orchestra સાથે આરતી જે લગભગ  સો જણા in rotation ઉતારે. આચાર્ય એલાન કરે" દર્શન કરતા જાવ, દક્ષિણા મૂકતા જાવ."  બ્રાહ્મણ આમ છેક જ પોતાની જાતને ભિક્ષુક શા માટે જાહેર કરે છે?  કર્મકાંડી ભૂદેવોએ દરેક પ્રયોગના અને પદના ભાવ ઠરાવી દીધા છે. આમ કર્મકાંડ એક industry બની ગઈ છે. નજીકના ભવિષ્યમાં કદાચ કર્મકાંડ ને  ISO certification  મળશે અને M . B . A . (કર્મકાંડ) ના નવા courses   ચાલુ થાય તો નવાઈ નહિ! 

                                                   હિન્દી સિનેમામાં મુસ્લિમ કિરદાર ભજવતો કલાકાર  હંમેશા કહેતો હોય છે " चंद मुसल्मानोकी वजहसे पूरी कोम बदनाम होती है", તેજ રીતે અલ્પસંખ્યક પણ ભારે impact  ધરાવતા કર્મકાંડી ભૂદેવો થકી સમગ્ર બ્રાહ્મણ જ્ઞાતિને  બામણા , ભામના ઈત્યાદી ગાળ સમાન ઉપનામોથી નવાજવામાં આવે છે. ખૂબ જ શરમજનક છે. કર્મકાંડી ભૂદેવો ક્યાંક અને ક્યારેક અટકે અને ગાડી reverse gear માં નાખે તો નાશ પામેલી બ્રહામનાત્વની ગરિમા પુનઃ પ્રાપ્ત થાય.

                                                     જે દિવસે બ્રાહ્મણો પરશુરામ અને ચાણક્ય બનશે એ દિવસે ભારતવર્ષ ન્યાલ થઇ જશે. નિઃશંક !

" જે પૂજા કે નમાઝમાં પ્રાર્થના નથી તે ફક્ત શારીરિક  કસરત જ  છે."

                                                                                                                ભાર્ગવ અધ્યારુ 

                                                                                          
આ કર્મકાંડી ભૂદેવોથી ભગવાન બચાવે !                      

                                                   

                                     

                                                         

હવે સમજાયું આ દેશની પ્રજા ત્રાહિમામ કેમ?

રાજધર્મ  આજે પ્રજાસત્તાક દિવસે: આપણા સાંપ્રત રાજકર્તાઓ આવા ખરા?

                                                     રાજધર્મ માં જ ધર્મ, અર્થ, કામ અને મોક્ષ નો સમાવેશ થઇ જાય છે.રાજધર્મ સર્વ લોકોને વશ રાખનાર છે. પ્રમાદી રાજા દ્વારા લોકમર્યાદા અને લોક્વ્યવ્સ્થા  અને સુલેહ  શાંતિનો  ભંગ થાય છે.

                                                     પુરુષાર્થી રાજા જ  સર્વ ક્ષેત્રમાં  વિજય પ્રાપ્ત કરી શકે છે. કોઈક સમયે રાજાનો કાર્યારંભ નિષ્ફળ નીવડે તો તેણે સંતાપ કરવાને બદલે કાર્યસિદ્ધિ માટે પુનઃ પ્રયાસ કરવો જોઈએ. રાજાઓની કાર્યસિદ્ધિ માટે સત્યના જેવો બીજો કોઈ ઉપાય નથી.

                                                      રાજા ગુણવાન, સદાચર સંપન્ન, દયાવાન, જિતેન્દ્રિય, ઉદાર અને સરળ હોવો જોઈએ. તેણે પોતાના છિદ્રો  અને નબળાઈઓ ગુપ્ત રાખવા જોઈએ.અને  બીજાઓના એટલેકે  શત્રુઓના  છિદ્રો અને નબળાઈઓ શોધી તેનો લાભ લેવો જોઈએ. રાજાએ પોતાના રાજકીય વિચારોને ગુપ્ત રાખવા જોઈએ. વસંત ઋતુના શોભાયમાન સૂર્યની પેઠે રાજાએ તીક્ષ્ણતા અને મૃદુતા વચ્ચે સમતુલા જાળવવી  જોઈએ.

                                                      રાજાએ તમામ વર્ણોની પ્રજા પર હંમેશા દયા રાખવી જોઈએ. રાજાએ નિત્ય ક્ષમા પરાયણ પણ થવું નહિ કારણકે નિત્ય ક્ષમાશીલ  રાજાનું નીચ માણસ પણ અપમાન કરી જાય છે. રાજાએ પોતાના અને પારકા માણસોની નિરંતર પરીક્ષા કરવી. મનુસ્મૃતિમાં મનુએ જણાવેલા તમામ અઢાર પ્રકારના વ્યસનોનો ત્યાગ કરવો જોઈએ. કારણકે વ્યસનોમાં વ્યસ્ત રાજા તિરસ્કારને પાંત્ર બને છે અને પ્રજા ઉદ્વેગ પામે છે. રાજાએ પોતાની પ્રિય વસ્તુનો પણ ત્યાગ કરીને લોકહિત થાય તેમ વર્તવું જોઈએ. ધૈર્યવાન રાજાને કોઈનો ભય રહેતો નથી.

                                                      રાજાએ પોતાના નોકર ચાકરોની સાથે અતિશય મજાક મશ્કરી  કરવા નહી; કારણકે તેમ કરવાથી નોકરો રાજાનું અપમાન કરી બેસે છે. રાજાની અજ્ઞાની ઉલ્લંઘન કરે છે. રાજાની ગુપ્ત વાતને પ્રકટ કરી દે છે. અયોગ્ય વસ્તુની માંગણી કરે છે.  રાજાને ગાળો પણ ભાંડે  છે, રાજાની ઉપર ચડી બેસે છે, લાંચો લઈને રાજાના કાર્યોનો વિનાશ કરે છે અને નકલી દસ્તાવેજો ઊભા કરી  રાજાના દેશને પાયમાલ  કરી મૂકે છે.  આવો રાજા જો કોપ કરે તો પણ સેવકો સામે ઊભા રહીને ખડખડાટ હસે છે.  સેવકો રાજાના ગુપ્ત વિચારને પ્રકટ કરી દે છે અને રાજાના દુષ્ટ  કૃત્યોને જાહેર કરી દે છે. રાજાનો દરજ્જો દિન પ્રતિદિન ઘટતો જાય છે.

                                                      નિત્ય ઉદ્યમશીલ રાજા જ પ્રશંસાને  પાત્ર છે.પ્રજાનું રંજન કરવું , સત્યની રક્ષા કરવી અને વ્યવહારમાં  સરળ રહેવું એજ રાજાનો પરમ ધર્મ છે. રાજાએ ખેડૂતોનો પાક બગડતો અટકાવવો  જોઈએ અને માફકસરની મેહસૂલ વસૂલવી જોઈએ. નોકર ચાકરના વેતનો સમયસર ચૂકવવા જોઈએ. જે રાજા શત્રુના અધિકારીઓને ગુપ્ત રીતે ફોડી શકે છે, તે રાજા પ્રશંસાને પાત્ર છે. રાજાએ રાજકોષ ધનથી ભરપૂર રાખવો જોઈએ પણ સત્પુરુષોનું ધન હરવું ન જોઈએ. જેઓનું  પોષણ ન થતું હોય તેઓને રાજાએ  પોષવા જોઈએ. રાજાએ મુખનો દેખાવ પ્રસન્ન  રાખવો જોઈએ અને ચેહરા પર સ્મિત રાખી ભાષણ કરવું જોઈએ.

                                                      રાજાએ સદગુન્સમ્પણ , વિદ્વાન, શુરવીર અને મુશ્કેલીના સમયમાં  પર્વતની પેઠે અડગ રહેનાર પુરુષોને પોતાના સહાયકો તરીકે રાખવા જોઈએ. રાજા આત્મશ્લાઘા રહિત હોવો જોઈએ. જે રાજાના રાજ્યમાં મનુષ્યો નિર્ભય થઈને વિચરે છે અને જે રાજમાં ફૂડ, કપટ ઈત્યાદિ નો અભાવ હોય છે, દાનશીલ હોય છે અને પંડિતોનો સત્કાર કરવાવાળો હોય છે, તે રાજા શ્રેષ્ઠ છે.

સંદર્ભ:મહાભારત.                                                                                                              ભાર્ગવ અધ્યારુ.